اول حلقة من اول سيناريو اكتبه فى حياتى

استعرض الموضوع السابق استعرض الموضوع التالي اذهب الى الأسفل

اول حلقة من اول سيناريو اكتبه فى حياتى

مُساهمة  DRSH في الثلاثاء يوليو 26, 2011 7:07 pm


الحلقة الاولى
المشهد الاول
نهار /خارجى
تبدا بالعناوين
منظر من اعالى القاهرة
رؤية للمساكن والمناطق
الشعبية والشمس ساطع
وتبدا القصة فى حى السيدة زينب بمصر القديمة
وتزكر على سكن شعبى
حيث يسكن سعيد وعائلته
قطع

المشهد التانى
نهار/داخلى

حجرة نوم سعيد
ام سعيد:يا واد سعيد قوم كفاية نوم يا وله
الساعة بقت 8 يا وله
سعيد:عاوزه اية ياما سيبنى انام
ام سعيد:قوم افطر وشوف صحبك على سال عليك
سعيد:حاضر يا ياما هقوم واغسل وشى واجى
قطع

سعيد وبقوم ويخرج من حجرة النوم
ويروح الى الحمام يغسل وشه
المشهد الثالث
نهار/داخلى
فى صالة البيت حيث يجلس سعيد وابوه واخوه الصغير سمير
واماه جيبه طبق الفول على صفرة
ام سعيد:يا ابو سعيد عاوزه 20جنية علشان اجيب شوية حاجات لاكل
ابو سعيد:يا فتاح يا عليم احنا اصتبحنا ياوليه
ام سعيد:اية يا عم خلص وطلع الفلوس
ابو سعيد:طيب خدى انا اقدر اكلم
سعيد:يابا انا عاوز30جنية
ابو سعيد:لية انت كمان
سعيد:عاوز اجيب كوتش كرة علشان اللى معى اتقطع
ابوسعيد:بكرة لما اقبض الحوافز
سعيد:اف اية الظلم ده
ام سعيد:ما تشوف له يا راجل اية فلوس معك
ابو سعيد:منين انتم ارحمنى اطلع من هدومى
قطع
المشهد الرابع
نهار /خارجى
سعيد يقول من الاكل يدخل حجرة نومه
ويلبس هدومه
وينزل على السلم
هنا ك صحبه على فى انتظاره
فى الحارة
على:انا باق ساعة مستنيك
سعيد:اية يا عم كنت بفطر
على:طيب يالا نروح ملعب علشان نلعب الماتش
واد سيد وفرفته عاوز نكسبهم النهادره
سعيد:يالا بينا
قطع
المشهد الخامس
نهار /خارجى
سعيد وعلى يمشيان فى الحارة
لحد ما وصلوا الى ملعب المدرسة الثانوية اللى هم فيها
سعيد:صباح الخير يا شباب
سيدبركات:اهلا يا سعيد وانت ياواد على
على:بس ما تقولش واد
سيد بركات:ههههههههههه
سعيد:يالا نبدا الماتش
سيد بركات:على كام النهادره
سعيد:كل واحد 20جنية
سيد بركات:يالا بينا
والماتش بدا بين الفريقين
لحد الماتش كالعادة بفوز سعيد
قطع
المشهد الخامس
نهار/داخلى
منظر لمصلحة الكهرباء
حيث يعمل الاستاذ محمد على ابو سعيد
وهنا مكتب الاستاذ على وزملاءه مرسى وزكى
مرسى:مالك يا ابوسعيد شكلك مهموم النهادره
زكى:شكلك مراتك مزعلك
محمد:مش عاوز خفة دمك على الصبح
مرسى:اسكت شوية يا زكى عاوزنا نعرف فى اية
زكى:حاضر يا عم مرسى انا كنت عاوز اطلع من اللى فيه
مرسى:ما تقول يا ابو سعيد فيك اية
محمد: انت عارف المعيشة صعبة والمرتب مش بيكفى الشهر
مرسى:الحال على الكل هو الموظف اخره يشحت او يبيع هدومه
محمد:وحاولت اشوف شغل بعد الظهر مش لقى
مرسى :ربنا يسهل وتتحل ان شاء الله
قطع
المشهد السادس
نهار داخلى
بيت محمد على ابوسعيد
سعيد وسمير بيتفرجوا على التلفزيون
وام سعيد مدام زينب
بتحضر الغداء فى المطبخ
والباب بيخبط
ام سعيد:افتح يا سعيد
سعيد:مين على الباب
ابو سعيد:انا ابوك
سعيد:اقوم يا سمير افتح لابوك
سمير:ماليش دعوة اقوم انت
ام سعيد:اقوم افتح لابوك يا واد انت هو
سعيد:اف حاضر
سعيد يفتح الباب
ابوسعيد:باق لى ساعة واقف انت عيال مش عنده دم
وخلفه طين مش الهم اللى انا شيله
ام سعيد:ما تهدا نفسك يا راجل فى اية
سعيد:خلص يا يابا انا اسف
ابوسعيد:عيشه تقصر العمر
قطع
المشهد السابع
نهار /داخلى
حجرة نوم ابوسعيد
حيث يغير ابوسعيد هدومه
وتدخل علية ام سعيد
ام سعيد:مالك يا ابوسعيد انت فيك النهادره
ابوسعيد:انت مش شايفة ولا انت حاسه باللى احنا فيه
ام سعيد:حاسه باية
ابو سعيد فى انفعال شديدة
ابوسعيد:بقولى حاسة باية
والمعيشة والحياة والمرتب مش بيكفينا
وحاولت اشوف شغل بعد الظهر مش لقى
ابو سعيد:هد نفسك واستغفر ربك وان شاء الله تحل
وما ضاقك اما ما فرجت
قال خد دوش لحد ما احضر ليك الغداء
ابوسعيد:ماشى ربنا يسهل
قطع
المشهد التامن
نهار /داخلى
صالة بيت سعيد
سعيد وابوسعيد ومراته زينب
قاعدين يشربوا الشاى على الانترية
زينب:اتفضل يا ابوسعيد الشاى وخد اننت يا واد سعيد انت واخوك انت كمان
ابو سعيد:النهادره نتيجة الثانوية بتاعك هتظهر
هنشوف يافالح هتعمل اية
ابو سعيد:ابنى شاطر
سعيد:طيب ادخل البس هدومىوانزل اشوفها
ام سعيد:خليت الواد يسيب الشاى ويقول
ابو سعيد:هو شيل هم مش كفاية الدورس الخصوصية طول السنة
ام سعيد:خلص ان شاء ينجح ويكيد الاعادى
قطع
المشهد التاسع
ليل /داخلى
حجرة نومه سعيد
بيلبس هدومه
ويتصل بعلى
سعيد: انت في يا على
على :انا فى البيت
سعيد:البس هدومهوتعال نروح القهوه
على:اوك مان
قطع
المشهد العاشر
ليل /خارجى
قهوة شباب السيدة زينب
ملك المعلم
نجيب الوحش
حيث يجلس على وسعيد
على:كبتين شاى وحجريان يا فارس
فارس:حاضر يا ابوعلى
سعيد:النهادره النتيجة هتظهر والواحد مش عارف يعمل اية
على:خلى على الله مش فرق كتير
سعيد:بقول اية يا عم على
ابوى قرف منى بقول اشوف يا فالح هتعمل اية
على:نشرى الشاى والحجريان ونقول نشوفها
يا واد فارس فين الشاى والحجريان
فارس:انا جيب اهوه
على: سيبك من النتيجة انت عمل اية مع مريم الايام
سعيد:زى كل يوم ما فيش جديد
على :ازى يعنى
سعيد:بنكلمهى بالمحمول بليل
ومش وقته الكلام ده اشرب وقوم يالا نشوف النتيجة
انت مش معى ولا اية فى السنة السوادة دى
على:معاك طيب اوك ماشى
الحساب يا واد فارس
فارس:5جنية
على :اوك
قطع
المشهد الحادى عشر
ليل /داخلى
منظر لمزكر برنس للخدمات التعليمية
والعاب وطباعة وعمل الابحاث
ملك الاستاذ محمود الدرج
عشرات من الطلاب والناس منتظرين النتيجة
فى المركز
سعيد:خد جيب لى النتيجة يا استاذ محمود
على:وانا كمان
محمود:النتيجة ب10جنية
واحد واحد
واد يا اسماعيل شوية شاى يا واد
اسماعيل:حاضر يا عم محمود
محمود: النتيجة هتظهر كمان 10دقايق
احد الطلاب:ربنا يستر
سعيد وعلى:يا مسهل يا رب

- قطع -

انتهت الحلقة الاولى
------------------------------------------


DRSH
عضو

عدد المساهمات : 1
تاريخ التسجيل : 26/07/2011
العمر : 26

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

سأطرح رأيي وأنتظر رد الباقيين

مُساهمة  حدودي السما في الثلاثاء أغسطس 16, 2011 1:35 pm

DRSH كتب:
المشهد التانى
نهار/داخلى

حجرة نوم سعيد
ام سعيد:يا واد سعيد قوم كفاية نوم يا وله
الساعة بقت 8 يا وله
سعيد:عاوزه اية ياما سيبنى انام
ام سعيد:قوم افطر وشوف صحبك على سال عليك
سعيد:حاضر يا ياما هقوم واغسل وشى واجى
قطع

سعيد وبقوم ويخرج من حجرة النوم
ويروح الى الحمام يغسل وشه


أولاً : في هذا المشهد لم تذكر أي تفاصيل من أي نوع ولا حتى في المشاهد الباقية , بمعنى مستوى المعيشة إذا كان هناك شيء معين في ديكور المنزل مميز يمكن أن يخدم النص هل هناك ساعة مثلاً صورة على الحائط منظر طبيعي أو صورة لشخص على قيد الحياة أو متوفى , هل هناك هاتف تلفزيون عليها غطاء يمكن نظيف متسخ أحياناً هكذا تفاصيل تكون أبلغ قليلاً من الكلام هل يوجد فازات مثلاً كم عددها هل هي أنيقة وغالية الثمن أم أنها من النوع الرخيص فيمكن أن يكونوا في حي شعبي وربما يعانون الفقر ولكن بسبب شراءهم لكمية من التحف مثلاً أو لأنهم لا يعرفون كيف يصرفون نقودهم , هناك الكثير من التحف الغالية الثمن ؟ يمكن أن يكونوا أغنياء وضاقت بهم الحياة على سبيل المثال ( طبعاً قد تقول أن هذا جزء من كتابة الشخصيات والقصة ولكن هذه التفاصيل الصغيرة قد توضح أموراً لم ولن تقال ) , طريقة لباسهم , أعمارهم , النظافة الشخصية ونظافة المكان ( غالباً ما نرى في المسلسلات العربية أن البيوت الفقيرة تكون متسخة ويظهر هذا على باب البيت على الأغلب تجد دائماً اختلاف لوني وكأنه منذ وقت سكنوا المنزل لم يقوموا بتنظيف فقط مكان قفل البيت لا أدري لماذا ) وكذلك الأمر عند أزرار الكهرباء تجدها دائماً متسخة ( أعتقد أن هذا كله يخدم المكان ), الترتيب إلى ما هنالك
ثانياً :هذا المشهد يمكن تقسيمه إلى عدة مشاهد مثل
1- غرفة النوم
2- الممر الذي يمشي به بين غرفة النوم والحمام إن وجد
3- الحمام الذي يغسل به وجهه , فمن المستحيل جمع هذه المشاهد في مشهد واحد ( كذلك تكرر الأمر معك في مشهد بالأسفل سأشير لك به )

DRSH كتب:
المشهد الرابع
نهار /خارجى
سعيد يقول من الاكل يدخل حجرة نومه
ويلبس هدومه
وينزل على السلم
هنا ك صحبه على فى انتظاره
فى الحارة
على:انا باق ساعة مستنيك
سعيد:اية يا عم كنت بفطر
على:طيب يالا نروح ملعب علشان نلعب الماتش
واد سيد وفرفته عاوز نكسبهم النهادره
سعيد:يالا بينا
قطع

هنا المشهد يمكن تقسيمه إلى عدة مشاهد
1- الصالون أو السفرة
2- غرفة النوم
3- الصالون مرة أخرى للخروج ويمكن تجاوز هذه النقطة والانتقال مباشرة للدرج
4- الدرج
5- الشارع
مع مراعاة أن كل واحد من هذه المشاهد إما داخلي أو خارجي من أجل الإضاءة وكذلك الأمر بالنسبة لبقية المشاهد بالنسبة لتقسيمها أو لذكر التفاصيل الصغيرة المتعلقة باللباس أو بالمكان من المكتب للمنزل حتى النادي ربما به شيء مميز

بالنسبة للقصة لا أستطيع أن أبت بها من ناحية الموضوع لعدم وجود الفكرة العامة أمامنا ولكن من رأيي الشخصي انا ضد أن يتحدث الأبناء مع آباءهم وأمهاتهم بهذه الطريقة فقد اكتفينا من مشاهد قلة الأدب على التلفاز واكتفينا من أن يرفع الأبن صوته في أهله ويتأفف منهما وكأنه هذا هو الطبيعي فقد تم تكريسها في الكثير من المسلسلات التلفزيونية قد تكون ظاهرة ولكنها ظاهرة خاطئة بالتأكيد وأعتقد أننا منذ عشرة أعوام حتى الآن ساهم التلفزيون وساهمت الدراما بشكل عام بإفشاء الفساد الأخلاقي والسلوكي والمالي وكأن الدراما أصبحت تعلم كيف يصبح الأبن قليل أدب وكيف يصبح حرامي و..... تعال نحاول أن نكتب بطريقة مغايرة ربما لو كتبنا أن الحياة بها أخلاق لتحسنت أخلاق الناس فعلاً فمذ بدأ الكتاب بكتابة السيئات فقط ساءت أخلاق الناس

أتمنى لك التوفيق

حدودي السما
عضو

عدد المساهمات : 183
تاريخ التسجيل : 19/05/2010
العمر : 41

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى