هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

فيلم قصير خروف العيد

2 مشترك

اذهب الى الأسفل

فيلم قصير خروف العيد Empty فيلم قصير خروف العيد

مُساهمة  رزق البغدادى الأربعاء أكتوبر 20, 2010 1:09 am


م1 ليل / داخلى

شقة محروس

يجلس محروس وبجانبه زوجته
يرتدى محروس جلبيه بلدى ويجلس
على كنبه بلدى وزوجته على الارض تقطع
بطيخه وتناوله فاياكل ..
الزوجه : محروس .. العيد قرب وعاوزين
نفرح ونجيب خروف حلو كده
- محروس مستغرباَ
محروس : خروف !!
الزوجه : هو العيد يبقى عيد الا بالخروف
محروس : يا وليه انا ممعييش فلوس
الزوجه : متقلقش انا عامله جمعيه وهاقبضها
الأول..اطمن ، وانت من نحيتك
تكمل الباقى ..

محروس : يعنى انتى بتحطينى ادام الامر
الواقع يا زوزو .. ماشى ماشى

الزوجه : ربنا يخليك ليا يا محروس وتعيش
وتجبلى يارب ..
- ثم يقضم قضمه من نصف
البطيخه ..
محروس : ماشى ياختى ، ربنا يسهل

- قطع -








م2 نهار / خارجى

السوق

- يقف محروس امام احد محلات الجزاره
يرتدى محروس بدله قديمه ويمسك
فى يده جرنان وفى اليد الاخرى منديل
يجفف عرقه
محروس : ايه اخبار الخرفان يا معلم
المعلم اسماعيل : الخرفان زى الفل بس اللى
يشترى ..

محروس : طيب انا عاوز خروف
محترم كده.
- مستغرباً
المعلم اسماعيل : عاوزه محترم ازاى بس يا
استاذ البسهولك بدله وكرافته
يعنى ..

محروس : مش قصدى انا عاوز خروف طول
النهار بيماما عشان الجيران تسمعه

المعلم اسماعيل : انا عندى خروف صوته يا سلام ..
محروس : تمام .. بكام يا معلم
المعلم اسماعيل : عشان خاطرك من غير فلوس
محروس : غالى يا معلم
المعلم اسماعيل : 800 جنيه بالبرسيم
محروس : مش ياما اصل انا معيش الا
- مقاطعا محروس
المعلم اسماعيل : بقولك ايه ريح دماغك واشترى معزه
محروس : معزه !! هزها شويه يا معلم
المعلم اسماعيل : كده الخروف يزعل .. ده متربى عالغالى
محروس : خلاص يا معلم



م3 نهار / خارجى

امام المنزل

- تقف عربه نصف نقل امام
المنزل وعليها الخروف
محروس : متشكر يا اسطى
السائق : واللهى يا استاذ انا مبشلش خرفان بس عشان
خاطرك وعشان احنا فى ايام مفترجه انا
عملت الخدمه دى لوجه الله ..

محروس : يعنى مش عاوز فلوس
البائع : 100 جنيه بس يا استاذ
- يعطى للسائق ويظهر عليه الغضب
محروس : خد ..

- قطع -





















م 4 نهار / داخلى

فوق السطوح

- يقف محروس وزوجته بجانب الخروف
يمسك محروس بكميه من الجزر وياكل هو
وزوجته والخروف ..

محروس : ايه رايك حاجه تشرف بصحيح
زينب : هو عامل كده ليه شكله جربان
محروس : جربان ايه يا وليه ده خروف محترم
وابن ناس .. منتيش شايفاه

زينب : اللى ما حد سامع صوته
محروس : هو ياكل الاول وهاتلقيه ينهق زى الحمار
زينب : ربنا يسمع منك وكل اللى هايسمع صوته
هايعرف انه بتاعنا وهايبقامنظرنا يشرف
فى البيت والشارع

محروس : ده انى فرحان فرح
زينب : امتى بقا العيد يجى ونقطع دماغه ونعمل
عليها شوربه

محروس : بس يا وليه الا اعصابى باظت
زينب : ولا الفته باللحمه والتوم
محروس : والفروه نحطها فى الصاله انا سعيد قوى
وحاسس ان كل احلامى بتتحقق

- قطع -








م 5 ليل / داخلى


فوق السطوح

- يصعد احد اللصوص وهو يلتفت
يمينا ويسارا ثم يفك الحبل ويسحب الخروف
على ضهره والخروف لا يصدر اى صوت ..

- قطع -



























م 6 ليل / داخلى

على السلم

- ينزل اللص بالخروف
ويفاجا بصعود احد الاشخاص
يرتدى زغلول ملابس رخيصه
ولكنه يحاول ان يظهر بمظهر الشيك
فايرتدى نظارة نظر
زغلول : انت رايح فين بالخروف ده يا جدع انت
اللص : الجماعه اللى فوق اقولهم عاوز 700 يقولو 600
على ايه البيعه خسرانه .

زغلول : ماعندهم حق الخروف ميسويش اكتر من
كده ثم دول كرمينك كمان ..

اللص : من الاخر عاوز تشتريه ولا لا
زغلول : ايه رايك فى 590 جنيه
اللص : يعنى انا مردتش ابيعه ب600 هابيعه ب590
زغلول : خلاص نصحى الجيران ونشهدهم يساوى كام
اللص : حلال عليك يا استاذ انت باين عليك ابن حلال
هات الفلوس بسرعه
- يعطيه النقود فايخذها ويجرى
زغلول : اما بياع اهبل ضحكت عليه ضحك ..

- قطع -











م 7 ليل / داخلى

فوق السطوح

- يمسك زغلول بالخروف
ياخذ زغلول الجزر وياكل فيه وهو
يلتفت يمينا ويسارا خشية ان يراه احد

زغلول : ايه ده ميه وجزر يا فرج الله
اربطه هنا عشان ياكل ..
- يدخل محروس وهو يحمل فى يده
الفول والمياه .. فيجد جاره الأستاذ
زغلول ...
ليه التعب ده يا استاذ محروس

محروس : تعب ايه يا راجل ده احنا اللى تعبينك
زغلول : اصل انى بحب الحيونات اوى .
محروس : وكمان جيبله برسيم .. ده كتيير اوى
زغلول : امال ايه عشان يكبر ويربرب ..
محروس : دنتا طيب اوى ..
زغلول : مفيش اطيب منك ..هوفيه حد بيعمل اللى انت بتعمله ده
محروس : آهو كله ثواب ..
زغلول : على رأيك .. يلا بأى ينزل

- قطع -












م 9 نهار / داخلى

شقة محروس

- يجلس محروس وزوجته الزوجه
تجلس على الكنبه ومحروس يقطع
البطيخه ويعطيها تاكل ..

محروس : تصدقى الاستاذ زغلول الراجل الطيب لقيته
جايب فول للخروف

زينب : ده راجل ابن حلال وباذن الله لما ندبحه
نبقى نديله الفروه ..

- قطع -























م10 ليل / داخلى
شقة زغلول


- يجلس زغلول وزوجته
زغلول يخرط ملوخيه
وزوجته فوزيه تقراء الجريده

زغلول : تصدقى الاستاذ محروس الراجل الطيب
لقيته جايب برسيم للخروف ..

فوزيه : ده راجل ابن حلال وباذن الله لما ندبح
الخروف نبقا نديله الفروه

زغلول : اهو تنفعهم فى الشتاء يدفوا بيها
فوزيه : طبعا الجيران لبعضيها
زغلول : ومحروس ومراته عشرة عمر الواحد
يديهم عنيه ..
- تصدق على حديثه دون اهتمام
فوزيه : على رأيك ..

- قطع -














م 11 داخلى / خارجى .. فجرا

- صور وثائقيه لصلاة العيد مع تكبيرات العيد فى كل مساجد مصر ....

فوق السطوح

- يصعد زغلول ومعه جزار
ويحمل طشت فوق راسه
يصعد محروس ومعه جزار
ومعه كميه من الاكياس
ينظرون لبعض باستغراب

محروس : ايه يا استاذ زغلول تاعب نفسك ليه والله
ما له لازمه انا خلاص جبت الجزار ..

زغلول : مش كفايه انك كنت بتاكله كمان جايب جزار
على حسابك والله ده كتير ..

محروس : هو ايه اللى كتير خروفى وبصرف عليه
زغلول : خروف مين يا راجل يا خروف هو انا عشان
خليتك تاكله هاتطمع فيه ولا ايه ..

محروس : اسمع يا زغلول خد الجزار بتاعك واتوكل على الله
ولو طمعان فى حتة لحمه انا هابقا اشوفك ..

زغلول : تشوف مين انت اللى خد جزارك واتوكل على الله
وقال ايه انا بطيبة قلبى كنت عاوز اديلك الفروه ،
صحيح اللى اختشوا ماتوا ..

جزار 1 : الخروف ده بتاع الاستاذ زغلول وانا شايفه وهو
شريه ..






تابع مشهد 11

المعلم اسماعيل : اذا كنت انا اللى شارى الخروف مع الاستاذ محروس
جزار1 : محدش دابح الخروف غيرى
المعلم اسماعيل : اللى هايقرب للخروف ده انا هادبحه معاه
محروس : اهدا يا معلم
زغلول : اهدا يا معلم احنا جيران برضه والنهارده يوم عيد
جزار1 : انا هاقرب من الخروف وورينى هاتدبحنى ازاى ..
تدور معركه بين الجزراين
ويسلك محروس وزغلول ..

- قطع -

























م 12 نهار / داخلى

شقة محروس


- داخل شقة محروس يجلس محروس
واثار المعركه على وجهه
وزغلول مربوط بالشاش
يضحكون بشده
محروس : يعنى انت اشتريت الخروف من
الحرامى ضحك عليك يا غلبان ..

زغلول : قصدك ضحك عليك انت وسرق منك الخروف
وانا اللى اشتريته
محروس : ضحك عليك انت
- يمد يده عليه ..
زغلول : ضحك عليك انت
محروس : بقولك ايه لم تعابينك احسن لك
زغلول : الخروف بتاعى ولم تعابينك انت
تدخل الزوجات فوزيه : احسن حل ان احنا نقسم الخروف
زينب : ده حل يرضى جميع الاطراف
محروس : وانا موافق عيد سعيد يا استاذ زغلول
وكل سنه وانت طيب ..

يحتضنو بعض زغلول : وانت طيب بالحضن يا راجل
محروس : احنا جيران ومش ممكن نزعل من بعض
زغلول : طبعا خروف ايه وبتاع ايه اللى هايزعلنا
ده احنا عشرة عمر ..









تابع مشهد 12
محروس : ابقى حوشلنا الفروه يا مراتى
زغلول : الفروه من حقنا احنا
محروس : لا من حقنا احنا
الزوجات : تانى
محروس : انا اسف
زغلول : ده انى اللى اسف ..
- الكل ينظر للكاميرا ..
محروس – زغلول – زينب – فوزيه : وكل سنه وانتم طيبين ..





تمت

مع تحيات

رزق البغدادى




رزق البغدادى
عضو

عدد المساهمات : 1
تاريخ التسجيل : 20/10/2010

الرجوع الى أعلى الصفحة اذهب الى الأسفل

فيلم قصير خروف العيد Empty مرحبا اخ رزق

مُساهمة  سعدي البريفكاني الأربعاء ديسمبر 08, 2010 1:35 pm

الحوار جيد والفكرة ظريفة .. ولكنك النهاية غيرت نوع العمل .. الى فلم توجيهي .. للتسامح بمناسبة العيد .. ولكن ان كنت تريد ان تكمل اللمسة الكوميدية .. عليك ان تغير النهاية ان تنهي الفلم عندما يهرب كل من محروس وزغلول بعد بداية معركة الجزارين..

تحياتي
سعدي البريفكاني
سعدي البريفكاني
Admin

عدد المساهمات : 691
تاريخ التسجيل : 21/06/2008

https://writewithsaadi.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى