مشهد واحد .. صابع واحد كفاية ؟

استعرض الموضوع السابق استعرض الموضوع التالي اذهب الى الأسفل

مشهد واحد .. صابع واحد كفاية ؟

مُساهمة  diaamousa في السبت أكتوبر 30, 2010 10:52 am


ده مشهد ياريت حد يقولي رأيه

م
1 ن/د
مستشفى /مكتب الدكتور حسن

نرى الدكتور حسن على مكتبه . إنا شاب في الثلاثينات . يبدوا نحيلا . يرتدي نظارته المقوية للنظر . نسمع طرقات على الباب . ثم يدخل رجل أسمر البشرة بلباس متواضع. إنه بدير.ابن عم حسن . نلاحظ أنه متوترا للغاية.

حسن
إيه ده .. بدير ..فيه إيه يابني ..تعالى اقعد هنا
بدير لا يجلس .. قلق ويتصبب عرقاً
بدير
أعد إيه بس يا دكتور حسن ..منتا متعرفش إيه إل حصل
حسن
خير..إحكيلي يابن عمي
بدير
ماهو عشان إحنا ولاد أب واحد أنا جيتلك
حسن
أب واحد.. انتا كدا بوظت العيلة خالص .. المهم انطق
بدير
العربية الربع نقل إل أنا شغال عليها عملت حدثة
حسن
إوعى تكون جايبهالي المستشفى أكشفلك عليها..وبعدين منتا صاغ سليم أدامي أهو
بدير
ماهو إلي كان سايقها مش أنا
حسن
ليه بس .. كنت فين وقتها ياراجل
بدير
الواد هيثم الأهوجي قالي هاتها لفه ..فإدتهالو .. أنا جايلك ليه بقااا
حسن
لييييه
بدير
لما ودينا هيثم المستشفى .. الدكتور صمم يقطع رجليه الإتنين .. وده واد غلبان ووحيد أمه..قولت مفيش غير الدكتور حسن بن عمي هو إل يأدر يخلي الدكتور ميقطعلوش حاجة
حسن
مين الدكتور ده
بدير
أنا جايبلك اسمه ورقمه ..اتصل بيه كلمه
بدير يخرج ورقة من جيبة. حسن ينظر فيها ويتصل بالموبايل
حسن (يتحدث في الموبايل )
ألو.. أيوه يادكتور فوزي ..أنا حسن ..ياراجل انتا نسيتني ولا ايه .. كنا مع بعض في الجامعة ..أيوه هو انا .. كويس انك افتكرت ..بقولك ايه.. هو انتا مزنوق في كام رجل اليومين دول .. انا قولت كدا برده ..لاء هابقه أبعتلك انا .. فيه واد جالك.. أهوجي ..هو .بتاع الحدثة .. ياعني ده واد غلبان و...
وكأنه لا يعرف ما يقول
بدير
وحيد أمه ..
حسن (في التيلفون)
ووحيد أمه .. ربنا يخليك يارب .. رجل واحدة .. طب عشان خاطري ..إيه .. هتاخد رجل وتكمل من الدراع ..
بيدر
لاء ياعم كدا أمه مش هترضه تاخده
حسن(في التيلفون)

كدا أمه مش هترضى تاخده يا دكتور فوزي .. عشان خاطري .. رجل واحدة .. طب غداك بكرة عندي .. نمشيها صابع طيب .. موافق ..شكرا ..شكرا يادكتور فوزي
بدير
مش عارف من غيرك كنت عملت ايه .. ربنا يخليك يابن عمي .. وميحرمكش من أعضائك أبدا
حسن
عيب يابدير ده انتا بن عمي ياراجل

قطع

diaamousa
عضو

عدد المساهمات : 17
تاريخ التسجيل : 20/09/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مشهد واحد .. صابع واحد كفاية ؟

مُساهمة  hasni في الأربعاء ديسمبر 22, 2010 3:56 am

بسم الله الرحمان الرحيم و الصلاة والسلام على أشرف خلق الله تعالى

سلام عليك أخي ضياء و أتمنى لك التوفيق و السداد.

حسب ما تعلمته من خلال هذا المنتدى الغالي فإن الوصف يتم في أول السطر من الصفحة و ليس في الوسط المخصص لأسماء الشخصيات و الحوار.

و شكرا لك.

hasni
عضو

عدد المساهمات : 79
تاريخ التسجيل : 30/09/2010
العمر : 35

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى