اشتاذ سعدى ارجوك محتاجة رايك فى طريقة كتابتى للسنياريو

استعرض الموضوع السابق استعرض الموضوع التالي اذهب الى الأسفل

اشتاذ سعدى ارجوك محتاجة رايك فى طريقة كتابتى للسنياريو

مُساهمة  حتشبسوت في الثلاثاء يوليو 27, 2010 4:05 pm

السلام عليكم
جزء من سيناريو فيلم ساقدمه خلال ايام للمسابقة
ارجوك اعطنى رايك بصراحة كما تعودنا من حضرتك


مشهد5...............................ليل داخلى

داخل شقة عادل
فى الصالة على الكنبة تجلس راقية ام عادل"سيدة فى الاربعين ويجلس بجوارها سعد ابو عادل "فى الخمسين يبدوجادا وعصبيا"
سعد يجلس على الكنبة ينظر للتليفزيون متابعا للبرنامج فى التليفزيون
تاتى من الداخل راقية تحمل صنية عليها كوبان من الشاى
راقية تضع الصنية على الترابيزة وتجلس بجوار سعد تنظر للتليفزيون ياخسارة البرنامج خلص
سعد قولتلك اتفرجى عليه الاول
راقية على ما حميت هادى ولبسته
راقية تناول سعد كوب الشاى
سعد يمد يده ياخد الشاى منها خلاص انا هاقولك حلقة النهاردة كانوا بيتكلموا على
راقية تنظر له بترقب قول
ياتى عادل من الداخل
سعد يلتفت لعادل ماجيتش تشوف البرنامج اللى انت بتحبه ليه
عادل معلش يابابا
ويجلس على الكرسى امام ابيه
راقية تقوم من مكانها هاروح اعملك حاجة تشربها
وتدخل راقية ناحية المطبخ
سعد بجديةهاعامل اية فى دراستك
عادل الحمد لله
سعد شد حيالك شوية علشان تخلص السنة دى على خير
عادل ان شاء الله يابابا
سعد يلتفت للتليفزيون ويرشف من كوب الشاى
عادل ينظر لابوه بترقب وارتباك متلعسما
انا نفسى اخلص ووو
سعد وهو ينظر للتليفزيون وتشتغل وتبقى راجل
عادل يبتسم يعنى انا كده مش راجل يابابا
سعد يلتفت مبتسما لا راجل بس يعنى الشغل بيخلى الواحد راجل بجد
عادل عندك حق يا بابا ده حتى فى واحد صحبى بيقول مادام فاضل له كام شهر ويخلص كان عايز يخطب واحدة زميلتنا
سعد بتابع بترقب
عادل يتقدم لاهلها يخطبها وبعدين يبقوا يتجوزا براحتهم
لما يجهزوا نفسهم
سعد بجدية وهدوء
بسرعة هو خلص دراسته
عادل هو تقريبا خلص فاضل كام شهر ويتخرج
سعد بجدية يعنى لسه بيدرس
عادل مرتبكا ايوه
سعد عايز يتجوز وهو لسه بيدرس وينظر فى عيون عادل بعتاب وكانه يؤنبه
عادل ينظر لابيه مرتبكا ويتلعثم فى الكلام ما هو ممكن يعنى يقاطعه
سعد ماهو ايه ومعاه ايه معاه على الاقل خمسين الف جنيه ها معاه
عادل مرتبكا ونظرة انكسار فى عينيه ويرد بتاثر لا لاء مامعاهوش
سعد بحدة لا يرد عليه يلتفت للتليفزيون متجاهلا عادل
عادل ينظر ارضا بضيق
تاتى راقية وتحمل مج نسكافيه
وتضعه امام عادل معلش اتاخرت عليك كنت بنيم هادى
وتجلس راقية وتلمح تغير وجه عادل وسعد فتنظر لهم بدهشة ايه مالكم
راقية ماتشرب النسكافيه يا عادل سعد بضيق ينظر للتليفزيون
ياتى هادى من الداخل
راقية مانمتش ليه
هادى ببراءة ماجليش نوم ياماما
ويقفز بجوار سعد
سعد يقبل راس هادى بحنان ويحتضنه
راقية تنظر لعادل بدهشة وتربت على ظهرة بحنان
هادى ينظر للتليفزيون عايز توم وجيرى يابابا
سعد بالريموت فى يده يضغط
هادى بس بس توم وجيرى جه اهو
سعد ينظر لهادى مبتسما
شاشة ملية بالمطاردة بين توم وجيرى واصوات المطاردة الشيقة بين توم وجيرى هادى يتابع وهو سعيد
وسعد ينظر مبتسما على شاشة التليفزيون متجاهلا عادل
راقية تمسك النسكافية وتقربه لعادل
راقية اشرب يا حبيبى
عادل يرفع راسه لا يا ماما مش عايز
راقية طيب تشرب ايه فى مهلبية اجيب لك طبق
عادل يهز راسه بالرفض
راقية مبتسمة ده طبق صغنطت اد كده
عادل ربنا يخليخى يا ماما لا مش عايز
عادل عن ادنكم ويقوم ويدخل لغرفته
راقية تتباعه بدهشة ثم تلتفت لسعد عادل ماله
سعد ينظرلها بضيق ثم يلتفت للتليفزيون يتابع توم وجيرى واصوات المطاردة الشيقة عالية


قطع
مشهد6 .................................ليل داخلى

داخل شقة سعاد فى غرفتها
سعاد تمشى فى غرفتها تبدوعليها الحيرة والقلق فى عيونها
تتوقف عن المشى فى وسط الغرفة
تنظر فى ارتباك وحيرة
تهمهم بينها وبين نفسها اعمل ايه طب ابدا ازاى وتتجه للباب لتفتحه
وفجاة تطرق فيفى الباب وتدخل تمسك بيدها كوب كاكاو
سعاد بدهشة ماما
فيفى خدى يا سعاد الكاكاو اللى طلبتيه اهو
سعاد تاخد الكوب وتضعه بجوارها على المكتب شكرا ياماما
وفى ارتباك ده انا كنت لسة خارجة اقعد معاكى انتى وبابا
فيفى طيب تعالى يالا وتمد فيفى يدها تاخده الكاكاو واشربيه معانا
سعاد مرتبكة خلاص بقا
فيفى بدهشة ليه فى حاجة ياحبيبتى
وتضع الكاكاو على المكتب وتنظر متفحصة وجه سعاد بدهشة
سعاد تنظر لامه مرتبكة
سعاد تمسك يد امها كنت عايز اتكلم معاكى يا ماما
فيفى تعالى اتكلمى ويجلسا امام بعضهما على السرير
سعاد تبتسم وتحاول الكلام
فيفى تنظر لسعاد بحنان وترقب
سعاد وبسرعة تقول اصل فى واحد عايز يجى يتقدم لي
فيفي بدهشة تبتسم صحيح مين
سعاد هوزميلى فى الجامعة
فيفى تسحب الابتسامة زميلك
سعاد اه
فيفي لسة طالب ياسعاد هيتقدم ليكى وهو لسة ماخلص
دراسته
ازاى
سعاد ازاى ايه ياماما هو هيخطبنى فى اجازة نصف السنة وبعد مايتخرج هيبدا يجهز نفسه
فيفى هيبدا يجهز نفسه كويس
سعاد تبتسم والتفاؤال فى عيونها
فيفى ربنا يقويه
سعاد تبتسم
فيفى وهيقعد كام سنة بقا على كده ده على فرض انه هيلاقى شغل اول مايخلص يعنى
سعاد تنظر لامها فى تاثر وتفكر
فيفى بلاش اقولك ماعندوش وما عندوش لا انا هسالك هتعيشى انتى وهو فين وهيصرف عليكى منين
سعاد بضيق وهو هيعمل ايه بس لما يتخرج هيعمل كل اللى يقدرعليه
فيفى بحدة وعصبيةهو هيعمل ايه ؟ ده سؤال يحاوب عليه هو مش انتى مادام ميقدرش على تكاليف الجواز عايز يخطب ليه ولا هيفضل خاطبك على طول
سعاد تقوم من على السرير وبصوت حزين بس احنا بنحب بعض بنحب بعض ياماما
فيفى بتحبوا بعض وو تقاطعها سعاد
سعاد بتاثر وانكسارما كناش نعرف ان لازم يكون معانا فلوس قبل مانحب بعض
فيفى تنظر لسعاد بترقب وتاثر وتقوم من مكانها
سعاد بتاثر علشان انا واللى بحبه نكمل حياتنا مع بعض لازم يكون فيه فلوس
تقترب فيفى بتاثر تنظر لسعاد بشفقة

قطع

مشهد7..............................ليل داخلى
داخل شقة عواطف
عواطف تجلس بدلال على طرف مكتبها
وتتصل بممدوح تنظر على الموبيل
تبتسم تهمهم جرس رد بقا

فى نفس اللحظة
فى
مشهد فى شقة ممدوح يجلس ممددا على الكنبة فى الصالة
يسمع صوت الجرس يعتدل فى جلسته ينظرللموبيل يرفعه بيده ينظرله بشوق مترددا بالرد ثم يغلق الموبيل نهائيا بهدوء ووجهه متاثر
ثم يقف ويهمهم ابعدى عنى ياعواطف ابعدى عندى
يلتقط المفاتيح من على الترابيزة امامه
يتجه للباب ويخرج
يغلق الباب خلفه بقوة

ننتقل
فى شقة عواطف

عواطف تنزل من على المكتب ببطء
تنظر للموبيل بتاثر وتهمهم بتقفل فى وشى
ياممدوح مش عايز تكلمنى

قطع
مشهد8......................................ليل داخلى
فى شقة عادل
سعد وراقية فى الصالة
راقية تقترب من سعد هو عادل ماله
سعد بضيق وبسخرية ابنك عايز يتجوزبس
راقية بدهشة يتجوز
سعد بسخريةعايز يخطب وبعد مايتخرج قال ايه هيجهزوا نفسهم سوا ويتجوزا
راقية مبتسمة هو قال لك كده
سعد بضيق ولاحظ ابتسامة راقية
كان بيقول واحد صحابى بس باين قوى ان هو يعنى
وبعدين انت بتضحكى ليه
راقية ضاحكة عادل بيحب واحدة زميلته
عايز يخطبها قبل ما يسيب هو الجامعة خايف تضيع منه
راقية بتاثر باين عليهم بيحبوا بعض قوى
سعد ينظر لها بترقب وضيق انت بتستعبطى بقا انتى وابنك
راقية تنظر له بدلال هو الحب استعباط كويس ان ابنى طلع عبيط وبدلال ذى ناس
سعد ينظر لها بحب وود احنا غيرهم يا راقية
وظروفنا مش ذى ظروفهم
انتى مش عايشة فى الدنيا وعارفة الجواز بيتكلف قد ايه
راقية نساعده
سعد يقوم من مكانه بغضب
نساعده بايه بايه الجيل ده ماعندوش صبر اصلا

وفجاة صوت جرس الباب

سعد يفتح
ممدوح وشريف السلام عليكم
سعدمبتسما وعليكم السلام اتفضلوا
اتفضل يا شريف اتفضل
شريف اذيك حضرتك ياعم سعد
ممدوح اذيك ياعم سعدالصحة تمام
سعد اذيك ياممدوح واذى والدك بيتصل بيك
ممدوح كويس اه بيتصل باعت السلام لحضرتك
كنت بكلمه امبارح
سعد يرجع بالسلامة ان شاء الله
سعد يشير لهم بيديه ناحية غرفة عادل ادخلوا عادل جوه

قطع

مشهد9 ..............................ليل خارجى
على الكورنيش
ومنظر مياه النيل وانعكاس الانوار عليها وسكون حركاتها
وبطول الكورنيش نرى كل حبيب وحبيبته يمشون معا
بعضهم يتهامسون والبعض يضحكون
واصوات العربيات على الطريق
وبعض الموسيقا تختلط بالضوضاء
شريف وعادل وممدوح
يمشوا بجوار بعضهم
شريف يتوقف كفاية مشى بقا
ممدوح يجذبه برفق اقف انت ماتعبتش
عادل يقف بضيق
ممدوح انت غلطان جواز ايه وخطوبة ايه دلوقتى
ابوك عنده حق
شريف انا عن نفسى لا اقدر افاتح اهلى فى حاجة ذى ده ابدا
عادل بغضب ليه امال اكلم مين
ممدوح كل حاجة لها وقتها وانت اتكلمت فى الوقت الغلط
عادل بضيق ووقتها امتى لما سعاد تتجوزواحد غيرى
ممدوح ساخرا ماتتجوز يااخى هو مفيش غيرها يعنى
عادل بغضب بتقول ايه
ممدوح ياعادل انت وانا وشريف وكل العالم اللى انت شايفهم ويشير بيده للشباب المار من جانبهم والشباب والبنات الذين يقفون اثنين اثنين معا على الكورنيش ومشهد مكبر للمكان ليظهر الرايح والجاى والبنات والشباب اللى بتمشوا معا على الكورنيش ولا 7او 10 سنين لما يتجوزا ودى اهم هيعملوا ايه ولا حاجة سيبنها للظروف ياتتحسن ياتسوء ياتفضل ذى ماهيا ده ان ما بقت اسوءمن كده
عادل وقد خف غضبه ينظر للشباب والبنات من حوله بتاثر وياْس ثم
يلتفت ناحية النيل يتامله بحزن
شريف والعمل ايه
ممدوح بسخرية وغضب ولا حاجة
شريف بتاثر ويسرح
ينظروا كلهم ناحية النيل

قطع

مشهد10................................ليل داخلى
فى شقة سعاد
فى غرفة نوم الاب والام
عبدالعظيم "ابو سعاد" يجلس على السرير مرتديا بجامة النوم
فيفى تفتح الباب وتدخل
فيفى تنظر لعبد العظيم ايه دخلت بدرى ليه
فيفى مش بدرى ولا حاجة انتى اللى اتاخرتى جوه عند سعاد
قلت اسبقك
عبدالعظيم فى حاجة مالها سعاد
فيفى واحد زميلها عايز يتقدم يخطبها
عبدالعظيم بدهشة مبتسما زميلها مايجى وماله
فيفى بدهشة وضيق انت بتقول ايه ياعبدالعظيم
يجى ازاى بقولك طالب يعنى مافيش معاه حاجة خالص
وبعدين كفاية علينا الاقساط اللى نسدها من ساعة جواز عايدة
عبدالعظيم بتاثر اه عندك حق
فيفى بدلال انت هتنام دلوقتى
عبد العظيم ينظر لها مبتسما بمزاح افكر
فيفى تطفىء النور

قطع

مشهد11.................................ليل داخلى

داخل غرفة نوم سعاد
سعادة تجلس على طرف سريرها
وبجوارها الموبيل يبدو على وجهها الارتباك
تلتقط الموبيل وتتصل بعادل
تضع الموبيل على اذنها
تسمع رسالة مسجلة"غير متاح حاليا"
تضع الموبيل بهدوء وتاثر على الكومدينو
وتلقى بنفسها على سريرها بضيق

قطع

مشهد.1
2...............................نهار خارجى

مشهد عام للكلية من الخارج والطلاب يدخلوا وغيرهم يخرج
واصوات متداخلة
عادل يتقابل مع سعاد فى الجامعة
عادل صباح الخير
سعاد صباح النور
سعاد ويبدو عليها التاثر
عادل يتامل وجهه ليلى ايه مالك
سعاد بضيق اتصلت بيك كتير امبارح
عادل ويخرج الموبيل من جيبه
ينظر فيه بدهشة معقول ما سمعت صوته
سعاد بضيق امبارح
عادل امبارح
سعاد بدهشة احنا مش اتفقنا انك تتصل بيا تعرفنى اهلك رد عليك قالوا ايه فى موضوع خطوبتنا
عادل بتاثر صامتا
سعاد انت نسيت
عادل لا مانسيتش ولا حاجة تقاطعه
سعاد طيب مااتصلتش بيا ليه
عادل كنت قافل الموبيل وخرجت اتمشى شوية مع شريف وممدوح
سعاد قافل الموبيل ليه وخرجت تتمشى وانا عامالة اتصل بيك
سعاد بحزم قولت لهم
عادل قولت لهم
سعاد وتتردد بين الابتسامة والارتباك وقالوا ايه
عادل مرتبكا انتى قولتى لهم فى البيت
سعاد بتاثرقولت لهم
عادل وقالوا ايه
سعاد بضيق زيه اللى قالواه اهلك
عادل بتاثر ينظر فى عيونها
ويتلفت حوله فى ضيق وياس
سعاد تتامله فى ترقب وتاثر
عادل ينظر فى عيون سعاد بتاثر

قطع

مشهد13 .........................نهار خارجى
فى كافى الجامعة
تجلس عواطف وسماح يضحكوا
تاتى باتجاههم سعاد ويبدو على وجهها الضيق والتاثر
تقترب منهم تجلس معهم صامتة
عواطف وسماح ينظر ا لها بدهشة
سماح مازحة مالك ياجميل وشك هينفجر من الغيظ ليه
عواطف تضحك طب ابعدى شوية احسن تنفجرى فينا
سماح وعواطف يضحكا
سعاد تنظر لهم بضيق وتقوم من مكانها بتاثر
سماح تقف وتجذب سعاد من ذراعها
احنا بنهزر معاكى
سعاد تجلس
عواطف معلش يا سعاد اقعدى ايه مالك انتى متضايقة من ايه
سعاد تتامل وجه سماح وعواطف ثم تنظر الجهة الاخرى بضيق
عواطف وسماح يتاملوا وجه سعاد بترقب منتظرين سعاد تتكلم
سعاد تنفخ بضيق
سماح تنظر لسعاد لا اقوم اجيبك ليمون يمكن يهدىء اعصابك عواطف ايه يا سعاد مالك فى حاجة
سماح تقرب الليمون امام سعاد
سعاد تنظر لعواطف وسماح بتاثر لا اهلى ولا اهل عادل وافقوا اننا حتى نتخطب
سماح وعواطف ينظرا لبعضهم بتاثر


حتشبسوت
عضو

عدد المساهمات : 64
تاريخ التسجيل : 03/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى