يا ترى انفع سيناريست و لا لا اعطونى رأيكم

مشهد
داخلى – كافتيريا – ليل
يجلس اسر على طاولة تجمعه بحنان فى مطعم راقى و هادىء يوجد به القليل من الافراد اسر مرتديا قميص و قد فتح ازراره فظهرت السلسلة الذهبية التى يرتديها بعنقه ممسكا بسيجار من النوع الفاخر و امامه فنجان من القهوة بينما تجلس حنان امامه بملابسها البسيطة وحجابها وجهها الخالى من الزينة
يطفأ اسر السيجار الذى انتهى



اسر :
اطلعى فينى حنان
حنان تنظر اليه
اسر :
شو شايفة
حنان :
تبتسم
شايفة حبيبى
اسر :
كيف شايفتيه ؟
حنان :
بحيرة
شايفاه جميل ... و طيب
بصدق
انا بحبك
لدرجة انى حاسة انك حتة منى
لدرجة انى اتمنى اكون انت
اسر:
يضحك فى أسى
حنان:
ايه مش مصدقنى ؟
اسر :
و قد دمعت عيناه و بدا عليه الحزن
بلى .. مصدقك
بس
حنان :
بس ايه
اسر :
انا ... مو متل مانك شايفتينى
هاد ياللى شايفتيه كله... مو حقيقى
انا مانى الملاك الطيب البرىء
انا عكس كل هاد
حنان :
ليه بتقول كدة ؟
ليه بتيجى على نفسك بالشكل ده ؟
اسر :
يبتسم
لانى بعرفها اكتر منك

زمان كنت صغير كان عقلى ما بيستوعب اشيا كتير بالدنيا
اما كبرت فهمتها
كنت استغرب انه فيه ناس رح تدخل جهنم و تتعذب بالنار
كنت اقول ليش ؟ سبحانك يا الله
حنان :
هوالرحمن الرحيم
اسر:
و شديد العقاب
كنت بسأل حالى شو اللى ممكن يعمله الانسان يخليه يستاهل يترمى فى النار و يتشوى و يتبدل جلده و يتشوى مرة تانية و
يصمت لحظة
اما كبرت عرفت
عرفت انه فيه ناس سيئة كتير ... سيئة لدرجة انه بتستاهل هيك و اكتر
فيه ناس بتحاربك و بتقتلك و تدوس عليك بس لانك عم تحلمى
كمان بيروح على جهنم الضعيف اللى متلى
اللى ما قدر يقاوم و يبعد
حنان :
انا مش قادرة افهمك
اسر :
بتعرفى شو يعنى شاب يتملك كل شى بيتمناه
الشهرة .. المصارى .. حب خلق الله اله
بنات على كل شكل و لون
حنان :
انت؟
اسر :
انا ؟
اى انا
انا ياللى عملت و كترت
و ما قدرت اوقف
ما كنت مفكر انى ضعيف لهالدرجة
كان بدى اوصل
بس اوصل
و بعدها يصير اى شى
و اجت المرا اللى شاورت و ما قدرت قول لا
مو مشان انو اول مرا بحياتى
بس لانه معها كل شى
معها بتتفتح الابواب
و بكبر
و ما حدا بيقدر يوقفنى
حنان :
دفعت التمن ؟
اسر :
امممم
و صرت معها
ما همنى حلال او حرام
حطتنى باول القائمة
ساوتنى نجم
بمصاريها و علاقتها
بتعرفى .. وقتها كنت متأكد انه هاد هو القرار المظبوط بحياتى
بس بعدين
صرت احس الشى اللى عملته
لعنة
نقطة سودا
حسيت انى ما رح اتهنى ابدا
كل ما تكتر المصارى و الشهرة
احس قديش كان حرام اكتر و اكتر
كأنه زرع شيطانى عم يكبر
شو ؟
وين سرحتى ؟
سقطت من نظرك ؟
حنان :
لا
اوعى تقول كدة
مفيش حد فينا مغلطش
مفيش حد فينا معملش الغلط و هو عارف انه غلط عشان كان فاكر انه حيرتاح
اسر :
تعرفى زمان كنت قول لحالى

ليش الناس تحب تسكر ؟
الخمرة حرام
يبتسم
مو حلو انه البنى ادم يبان مسطول مو دريان بشى بين الناس
مو حلوة الناس تحكى عنه و تتمسخر عليه و هو شربان
طيب شو اللى يخلى حدا يشرب ؟
او بتعاطى مخدرات مثلا
الحيات حلوة كتير
يضحك فى سخرية
ههه

بس ما طلعت حلوة متل ما فكرت
الواحد منا بيشرب ويرتكب و هو بيعرف انه حرام و انه رح يدخل نار جهنم لو ما تاب
بس تفوتى بالحياة والقصص بتعرفى ليش
ليش بيكون بدو ينسى كل شى
ليش بيكون تعبان
كنت بقول ... بدى اكبر و بس اكبر بعمل واسوى
رح حاول اكون منيج بكل شى
اختار
اواجه
و اعمل كل شى بحبه
و ما حدا رح يقدر يوقف بوجى

بس ..
اما بتكبرى بتكتشفى حالك انك ضعيفة كتير
بتكتشفى انك ما بتختارى شى
كله مكتوب على جبينك
بتكتشفى ان الحياة اقسى بكتير من تخيلاتك
وان قدامك تحديات كبيرة
و فوقها
خيبة امل
حنان :
و وجع ؟
اسر:
اى
و بدك تتعبى و تصبرى و تتحملى
و تكتمى جوات قلبك و تسكتى
حنان:
ليه ؟
ليه قولتلى كل ده؟
اسر :
ما بعرف
يمكن لان عيونك مو متل عيون كل الباقيين
حنان:
يعنى بتحبنى و لا لا
اسر :
ما بعرف
يبتسم
بيجوز
بس الاكيد انى برتاح كتير اما بحكى معك
و حاسس انك صادقة كتير و طيبة
يبتسم فى حزن
و هاد الشى غالبا منو موجود بحياتى
قليلى انتى شو بدك من الحياة
حنان:
عايزاك تفضل معايا
اسر :
شوفى حنان انا ما بقدر اوعدك بشى
يعنى لا تزعلى منى
انتى بيوم من الايام رح تتجوزى ويكون الك حياتك
حنان:
اتجوز ؟
اسر :
ايه رح تتجوزى اكيد
حنان تشيح بوجهها فى حزن
اسر :
شو بك ليش اتغيرتى ؟
حنان:
انا لازم اقوم
تقوم من مكانها
اسر يمسك يدها ليعيدها الى المقعد
اسر :
اقعدى
حنان:
ارجوك سيبنى امشى
أسر :
و مازال يمسك يدها لتجلس
حنان .. مشان الله اقعدى
الناس رح ينتبهو علينا
مشان الله بلا فضايح
تجلس حنان و قد دمعت عيناها
يتنهد اسر
اسر :
حنان

ارجوكى بدك تفهمى
انا يا بنت الناس ما بنفع الك
نحنا مختلفين
انا بعرف انك بتحبينى عن جد
كمان انا ما شفت بنت هيك متلك بهالوفاء وهالصدق
انتى بتجننى
بس ..
بس نحنا مو لبعض
انت بمكان
وانا بمكان تانى
انت بدك اشيا
و انا بدى اشيا غيرها تماما
عم تفهمى ؟
عم تفهمى حنان ؟
يا اختى ... يعنى حتى انتى من بلد وانا من بلد
يبدو على حنان الألم والحزن
وقد اغرورقت عيناها بالدموع
يتنهد اسر ثم يستكمل
اطلعى لحالك
لاهلك
انت وين عايشة وانا وين
كيف بدنا نجتمع؟
صدقينى حنان اذا ضليتى تفكرى بهالطريقة رح تضيعى حياتك
انت بتستاهلى حدا تانى
حدا احسن منى بكتير
انا ما بتمنالك الا كل شى حلو
حنان:

بصوت مختنق من البكاء
انا مش عايزة حد تانى
انا عايزاك انت
انا مش عايزة حاجة ابدا
انا عايزة افضل اشوفك واتكلم معاك و اطمن عليك
بس
بس كدة
مش عايزاك توعدنى بحاجة ولا تعمل حاجة انت مش عايزها
بس متحرمنيش انى افضل جمبك
يضع اسر يده على وجهها ويمسح دموعها